SARIE KOS

SARIE KOS gaan oor kos wat die mond laat water en is trots SA. Die tydskrif is vir enigeen wat geïnspireer word deur smake en geure, wat geliefdes wil bederf met geregte so reg uit die hart. G’n fieterjasies of aansitterigheid nie, net goeie, eerlike kos en gesonde idees vir almal wat die wêreld van kos wil ontdek en die heilsaamheid daarvan wil geniet.

SARIE KOS

ONS WÊRELD

KOM SIT, EK HET TEE GEMAAK!

Brêkfis in die bed! • Hoe sê ’n mens dankie? Met ’n skinkbord vol ontbytlekkertes, natuurlik! Laat jou ma of geliefde hierdie Moedersdag ekstra spesiaal voel en pak ’n mooi skinkbord vir ontbyt in die bed en sê: Ek’s lief vir jou

Die voorkoms • Als om ontbyt in die bed nóg meer spesiaal te maak

OP RYS! • Basmati, wit, bruin of jasmyn, dié graansoort is goed vir jou én veelsydig in sy eenvoud. Rys verdien ’n ereplek op die spyskaart en behoort meer gereeld die ster van die maaltyd te wees

Tee met Carmen • Ons hoef nie twee keer te dink nie: Carmen Niehaus is ’n SA kos-ikoon. Vir drie dekades was sy die befaamde kosredakteur van Huisgenoot , maar nou, ná 60, kyk sy met nuwe oë na kos (en rooibos!) vanuit haar Weskus-kombuis op Langebaan

Jou vurk in ’n visblik • Met kospryse wat so buitensporig styg, is geblikte vis nou ’n nommereen-proteïen op ons spyskaarte. Moenie blikkiesvis vlak kyk nie – jy kan wonderlike geregte daarmee optower wat jou tyd én geld spaar

Moenie skaam wees nie! • Sardiens op roosterbrood word beskou as die nuwe avokado-en-toast. Ja, dié nederige vissie en sy effe groter broer, die sardyn, is hoogmode en boonop ryk aan proteïen, laag in kalorieë en propvol omega-3-vetsure.

KOOKKLAS: Suurlemoenmeringue • As die seisoen vir jou suurlemoen gee, dan maak jy suurlemoenmeringuetert. Kom sit aan vir alles van klassiek tot nuut en anders

SOP 6X BAKKE VOL LEKKER • Die koeler dae is hier en dit beteken sop op die stoof wat sonder te veel moeite gemaak word. Elke happie vol smaak, vol eenvoud en boonop goed vir die beursie!

E-pos uit MANAPLA, NEGROS, FILIPPYNE • Reuse-vrugtebome, wit strande, onderwaterwonders . . . en die lekkerste koffie, roomys en gebak. Meer as ’n jaar nadat die Gautenger Leon Booyens in die Filippyne gaan werk het, geniet hy steeds al die vreugdes wat die land bied

SAMPIOEN JOU kampioen • Sampioene is mos lekker! Met ’n geurprofiel van aardse neutagtigheid, en die byna nul kalorieë wat dit bevat, is dit die smulkos wat hierdie seisoen op ons tafel koning moet kraai

VAKANSIE-KOEKIES • ’n Koekieblik wat kreun van lekkerte. Gevul met alles wat mooi en soet is en die belofte van daardie kraak wanneer jy hap. Dis mos nou amper Paasnaweek, so kom betyds aan die bak vir die langpad ry

Cheers! op toast • Ons lig ’n glasie op roosterbrood! Dis een van die jaar se grootste kostendense, saam met toebroodjies en tuisgebakte brood. Bang is ons nie meer vir die lekkerte nie en met ’n groot glas vonkelwyn sê ons cheers! op die oermoeder van kos

Jogurt Jy lyk so goed . . . want die ‘goeie goggas’ eet so lekker • ’n Bedreigde spesie, nes die renoster: Dis nou jou mikroflora – die voordelige ‘goggas’ in jou lyf en veral dermkanaal. Onder skoot weens stres, ’n verkeerde dieet en die moderne leefstyl. Als wat jy nodig het om dié outjies te laat floreer, is op die winkelrak en by die boeremark te kry – met jogurt die begin

DUBBEL SO LEKKER • Dis een van vanjaar se groot kostrends – om van twee soetgebakresepte een te maak. Hybrid dessert, noem hulle dit in Engels. En wie wil nou nié poeding en koek saam eet nie?

Letitia Prinsloo en die ICA-sjefskool Dit kóók • Letitia Prinsloo se impak op die koslandskap strek wyd. Die saadjies wat gesaai word by haar gerespekteerde sjefskool, die Institute of Culinary Arts (ICA) op Stellenbosch,...